Ethena ekosistemi daxilində ENA tokeninə birbaşa təsir edə biləcək mühüm idarəetmə qərarı qəbul olunub. Ethena Foundation-un açıqlamasına əsasən, protokol gəlirlərinin ENA geri alımına yönləndirilməsini nəzərdə tutan “komissiya çevrilməsi” təklifi 100% dəstəklə təsdiqlənib.
Qərardan sonra proqramlaşdırılmış ENA geri alımlarının başlayacağı elan edilib. Fonddan bildirilib ki, performans göstəriciləri və mərhələlər təmin olunduqca geri alım proqramı tədricən genişləndiriləcək. Beləliklə, Ethena protokolundan əldə olunan gəlirin bir hissəsinin birbaşa bazardan ENA alınmasına yönəldilməsi planlaşdırılır.
Bu inkişaf həmçinin ENA-nın qiymətinə də müsbət təsir edib. Bazar məlumatlarına görə, ENA son 24 saatda təxminən 15 faiz artaraq 0,172 dollar səviyyəsinə çatıb. Token bazar kapitallaşmasına görə 45-ci yerdədir.
Bu son qərar Ethena Foundation-un avqustun 27-də elan etdiyi genişmiqyaslı token iqtisadi dəyişikliklərinin davamıdır. Həmin açıqlamada Fondu dörd əsas dəyişikliyi açıqlayıb: ilkin investorların saxladığı kilidli tokenlərin geri alınması, ENA tokeni ilə şirkətin səhmdarlığı arasında iqtisadi əlaqənin gücləndirilməsi, protokol gəlirlərindən istifadə etməklə ENA geri alımlarının idarəetmə prosesinin başlanması və risk sərmayə investorları üçün gələcək aylıq token açılımlarının ləğvi.
