Qozog‘iston markaziy banki oltin zaxiralari ulushini taxminan 3 foiz punktga kamaytirishni rejalashtirmoqda

Xorijiy OAVlarning xabar berishicha, Qozog‘iston Markaziy banki dunyodagi eng yirik oltin xaridorlaridan biridan oltin sotuvchisiga aylanmoqda, Moliya vazirligi rasmiiylari esa zaxira aktivlarini qayta muvozanatlashtirish uchun choralarni kuchaytirmoqda. So‘nggi yillarda dunyo bo‘ylab markaziy banklar oltin sotib olishni keskin oshirib, narxlarning jadal oshishiga sabab bo‘ldi, biroq oltin narxi tarixiy maksimal darajaga yetgach, biroz pasaydi va bu o‘sish to‘xtaldi. AQShning 10 yillik davlat obligatsiyalari rentabelligi o‘tgan haftada so‘nggi 24 yil ichidagi eng yuqori ko‘rsatkichga chiqdi. Qozog‘iston Markaziy banki rais o‘rinbosari Aliya Moldabekova intervyusida shunday dedi: “Biz ancha vaqtdan beri bunday darajalarni ko‘rmaganmiz. Bu esa dollarni yanada jozibali tanlovga aylantiradi hamda oltinning sarmoya aktiv sifatidagi jozibasini pasaytiradi.” U yana qo‘shimcha qildi, Qozog‘iston Markaziy banki oltinning tashqi valyuta zaxiralaridagi ulushini taxminan 3 foiz punktga kamaytirishni istamoqda. Ko‘plab yillar davomida mamlakatlar markaziy banklari oltin zahiralari hajmini izchil oshirib kelgan. Biroq joriy yil boshida Eron urushi boshlangach, valyuta institutlarining oltinga bo‘lgan doimiy talabiga oid taxminlarga putur yetdi. Bu urush dunyo bo‘ylab qimmatroq energiya importini to‘lash uchun dollarga kuchli talabni yuzaga keltirdi. Jahon Oltin uyushmasining ma’lumotlariga ko‘ra, Turkiya va Rossiya joriy yil boshida oltin ulushini kamaytirgan ilk mamlakatlardan bo‘lgan.